"Бавария" Бундеслиганинг 33-туридан ўрин олган "Боруссия М"га қарши ўйиндан сўнг (2:0) Германия чемпионлигини нишонлади.
Мюнхенликлар 4 май куни "Байер" ва "Фрайбург" (2:2) ўртасидаги ўйин натижасига кўра муддатидан олдин чемпионликни қўлга киритиб, ўз тарихида 34-марта чемпионликни қўлга киритганди.
2023 йилнинг ёзида "Тоттенхэм"дан "Бавария"га ўтган 31 ёшли Харри Кейн учун бу соврин фаолиятидаги биринчиси бўлди. Шанба кунги тақдирлаш маросимида у "салат идиши"ни боши узра кўтарди, шунингдек, чемпионлик медалини қўлга киритди.
"Бавария" Бундеслига-2024/25-йилги мавсумининг 33 турида 79 очко тўплади. Кейн Германия чемпионатида 30 та ўйинда майдонга тушиб, 25 та гол урган ва 9 та голли узатмани амалга оширган.
