Англия чемпионатида ўттиз олтинчи тур учрашувлари ўтказилмоқда, "Астон Вилла" "Борнмут" меҳмони бўлиб кичик ҳисобда ғалаба қозонди(1:0).
Испаниялик мутахассис Андони Ираола ўйин ҳақидаги фикрлари билан ўртоқлашди, унинг фикрича, жамоаси ўз ўйинини кўрсата олмади.
"Ўйлайманки, ўйин рақиб сценарийси бўйича ўтди ва бу мени унчалик хурсанд қилмаяпти. Биз ўз ритмимизни топа олмадик, айниқса биринчи бўлимда тез-тез тўхтаб қолдик. Умуман олганда, рақиб ўйинни яхшироқ ташкил қилди ва биз уларни жазолай олмадик", - дея Ираола сўзларини келтиради BBC Sport.
Айни дамда "Борнмут" АПЛ турнир жадвалида ўнинчи ўринни эгаллаб турибди.
