Мавсум ниҳоясига етмоқда, ҳисоб-китоб қилиш вақти келди ва “Милан”нинг собиқ футболчиси Риккардо Монтоливонинг ишонч билдиришича, Италия кубоги финалида ғалаба қозониш клуб раҳбарияти ва мухлисларга мавсумни яхши деб ҳисоблаш имконини беради.
Бундан ташқари "Милан" январ ойида Италия Суперкубогини қўлга киритган эди.
"Иккита соврин билан мавсумни ёмон деб бўлмайди, лекин шунга қарамай тан олишимиз керакки, бундай жамоа кўпроқ нарсага қодир эди. Улар ўз имкониятларини тўлиқ очиб беришмади. Менинг вақтимда бизда бундай имкониятлар бўлмаган", - дея Риккардо Монтоливонинг сўзларини келтиради pianetamilan.it.
Италия кубоги финали 14 май куни бўлиб ўтади.
