"Бавария" форварди Харри Кейн Германия Бундеслигасида сермаҳсуллик намойиш этишда давом этмоқда.

Англиялик футболчи 33-турда Мюнхенгладбахнинг "Боруссия" клубига қарши ўйинда гол уриб, чемпионатдаги голлари сонини 25 тага этказиб олди. Бу орқали Кейн фаолиятида олтинчи бор миллий чемпионатларда 25+ гол урди.

Бунгача у "Тоттенхэм" сафида тўрт марта (2015/16 - 25 гол, 2016/17 - 29, 2017/18 - 30, 2022/23 - 30) шундай натижага эришган бўлса, энди "Бавария"да ҳам шундай натижага эришди. Бундан ташқари, жорий мавсум Кейн учун умумий голлар сони бўйича рекорд бўлди: инглиз ҳисобида барча турнирларда 36 та гол бор ва у Европанинг энг яхши тўпурари унвони учун курашни давом эттирмоқда.

Эслатиб ўтамиз, "Бавария" мавсум якунланишига бир тур қолганида 79 очко жамғариб, Германия чемпионлигини қўлга киритган эди.