Жорий мавсумда Суперлига чемпионлигига жуда яқин турган "Галатасарой" келаси мавсум олдидан жиддий кучайишни режалаштирмоқда.
Туркия клуби раҳбарияти Европа Чемпионлар Лигаси ярим финалида "Барселона" устидан қозонилган ғалаба ва финал йўлланмасида бош ролни ўйнаган футболчига қизиқиш билдирмоқда. Interlive.it нашрининг ёзишича, клуб афсонаси Фернандо Муслера ўрнига клуб босслари Янн Зоммерни кўрмоқда.
Қайд этилишича, "сариқ-қизиллар" швейцариялик футболчига 3 йиллик шартнома таклиф қилиши мумкин.
"Интер" дарвозабони мавсум якунлангач жамоасини ўзгартиришга қарши эмас, аммо Чемпионлар лигасида тўп тепадиган жамоада ўйнашни маъқул кўради.
