"Арсенал" бош мураббийи Микель Артета жамоа таркиби ҳақида гапирди. Испанияликнинг фикрича, "канонирлар" таркиби етарлича тўлиқ эмас.

"Биз бошиданоқ таркибимиз жуда кичик эканини билардик. Таркиб кичик бўлса, жароҳат олиш эҳтимоли ортади. Бу биз сўнгги мавсумларда дуч келган нарса. Биз буни билардик ва ҳеч нарса қила олмадик.

Ўйинчиларнинг кўплиги совринларни қўлга киритиш учун катта нарса. "Ливерпуль" буни жуда яхши уддалади. Улар барқарорлик ва ўйинчилар даражасини сақлаб қолишди. Таркибни яхшилаш ва таркибимиздаги ўйинчиларни яхшилаш учун қўлимиздан келганини қиламиз," - деди Артета журналистларга.

11 май, якшанба куни "Арсенал" АПЛ доирасида "Ливерпуль" меҳмони бўлади.