Австралия терма жамоаси футболчиси Лукас Нейл Ироққа қарши ўйинда жамоадошларини хотиржамликка берилмасликка чақирди. "Кенгурулар" бугун Ироқни мағлуб этишса, учинчи марта кетма-кет ЖЧга чиқишади.

Австралиядаги стадионга бугун 80 минг мухлис келиши кутилмоқда. Мана шундай мухлислар қаршисида Австралия терма жамоаси бор эътиборини фақат ғалабага қаратиши кераклигини Лукас Нейл таъкидламоқда.

"Ҳозирча терма жамоада хотиржамлик ҳукм сурмоқда. Ҳали ҳеч ким Бразилия, самба рақси ҳақида ўйламаяпти. Сўнгги баҳсда бизга ғалаба керак. Шундан кейин орзуларга берилишимиз мумкин", дейди футболчи.

Австралия бош мураббийи Хольгер Осиек Япония ва Иорданияга қарши ўйинларда бир хил таркибни танлади. Ироққа қарши баҳсда ҳам таркибда кескин ўзгаришлар бўлиши кутилмаяпти.

"Ҳолатимизни яхши ҳис қилиб турибмиз. Биз саралаш босқичини муваффақиятли якунлаш арафасида турибмиз. Биз финал баҳси остонасидамиз. Биз натижа борасида ҳеч кимга қарам эмасмиз. Шунинг учун 100 фоиз эътиборни ўз ўйинимизга қаратганмиз", дейди Хольгер Осиек.

Японияга қарши ўйиндан кейин (0:1) Ироқ етакчилари — Нашат Акром ва Юнус Маҳмуд терма жамоадаги фаолиятини якунлашди.

"Янги авлодни менсимаслигимиз керак эмас. Биз ўз олимпия терма жамоамиздан биламизки, Ироқ терма жамоасида юқори потенциал бор. Улар ўзларини яхши томондан кўрсатишга ҳаракат қилишади. Ўйин қийин бўлишини кутяпмиз. Лекин биз ўйинга яхши тайёргарлик кўрдик. Ироқнинг барча футболчилари жисмоний жиҳатдан бақувват ва яхши тайёргарликка эга. Уларда тезлик бор, уларда яхши тахника. Эртанги ўйиндан мен шу нарсаларни кутяпман", дейди австралияликларбош мураббийи.