Ушбу ҳафтада Туркияда бошланадиган ёшлар ўртасида Жаҳон чемпионатига тайёргарлик кўраётган Янги Зеландия терма жамоаси кеча Анталияда Миср билан ўртоқлик учрашувини ўтказди. Ўйинда Африка чемпиони 2:1 ҳисобида ғалаба қозонди.

www.nzfootball.co.nz сайтининг ёзишича, дастлабки дақиқаларда устунлик Янги Зеландия томонида бўлишига қарамай, ўйиннинг 15-дақиқасида мирслик Аҳмад ҳисобни очган. Океанияликлар эса иккинчи бўлим бошида ҳисобни тенглаштиришган (Кемерон Ховейсон). Ўйин якунланишига 12 дақиқа қолганида Миср ғалаба тўпини киритган (Маҳмуд Қаҳрабо).

23 июнь куни Ўзбекистон ва Янги Зеландия терма жамоалари ўзаро баҳс олиб боришади. Ўйин Туркия вақти билан соат 17:00да бошланади.

Янги Зеландия терма жамоаси ЖЧда иштирок этадиган таркибни эълон қилди.

1. Скотт Басалаж (Др), 2. Бури Ру, 3. Билл Туилома, 4. Симон Армс, 5. Люк Адамс (C), 6. Тома Бисс, 7. Камерон Ховейсон, 8. Тим Пэйн, 9. Хэмиш Уотсон , 10. Тайлер Бойд, 11. Луи Фентон, 12. Алек Соломонс, 13. Лиам Хиггинс, 14. Жесси Эдже, 15. Жастин Гуллей, 16. Ван Элиа, 17. Райан Томас, 18. Риса Жордан, 19. Дейл Хигам, 20. Макс Крокомбе (Др), 21. Даниэль Кларк (Др)
Бош мураббий: Крис Милисич