"Реал" мухлислари Испания чемпионатининг 35-туридан ўрин олган "Барселона"га (3:4) қарши ўйиндаги мағлубиятга ҳиссиёт билан муносабатда бўлишди.
Marca хабарига кўра, мадридликлар мухлислари мағлубиятдан сўнг клуб базаси ёнида "Уят" ёзуви туширилган баннерни илиб қўйишган. Клуб автобуси келишидан олдин қўриқчилар баннерни олиб ташлашди, базага эса полициячилар келишди.
Қайд этилишича, футболчилар ўз машиналарида базадан чиқиб кетаётганда уларга нисбатан ҳақоратли сўзлар айтилган.
"Барселона" очколарини 82 тага етказиб, Ла Лига турнир жадвалида пешқадамлик қилмоқда. "Реал" эса 75 очко билан 2-поғонада бормоқда.
