Италия чемпионатида ўттиз олтинчи тур ўйинлари бўлиб ўтмоқда, "Наполи" ўз майдонида "Женоа"ни қабул қилди, аммо ғалабани қўлга кирита олмади - 2:2. Неаполь клуби сардори Жованни ди Лоренцо бўлиб ўтган ўйин воқеаларига изоҳ берди. У содир бўлган воқеани икки очко йўқотиш деб ҳисоблайди.
"Албатта, бундай йўл билан очко йўқотганимиздан жуда хафа бўлдик. Футбол шунақа. Биз Скудетто учун курашяпмиз, ҳаракат қиляпмиз ва босимга дуч келяпмиз. Лекин бу футболнинг бир қисми. Қўлни туширмаслик керак," - дея ди Лоренцо сўзларини келтиради calcionapoli1926.it.
