Italiya chempionatida o‘ttiz oltinchi tur o‘yinlari bo‘lib o‘tmoqda, "Napoli" o‘z maydonida "Jenoa"ni qabul qildi, ammo g‘alabani qo‘lga kirita olmadi - 2:2. Neapol klubi sardori Jovanni di Lorenso bo‘lib o‘tgan o‘yin voqealariga izoh berdi. U sodir bo‘lgan voqeani ikki ochko yo‘qotish deb hisoblaydi.
"Albatta, bunday yo‘l bilan ochko yo‘qotganimizdan juda xafa bo‘ldik. Futbol shunaqa. Biz Skudetto uchun kurashyapmiz, harakat qilyapmiz va bosimga duch kelyapmiz. Lekin bu futbolning bir qismi. Qo‘lni tushirmaslik kerak," - deya di Lorenso so‘zlarini keltiradi calcionapoli1926.it.
