"Байер" бош мураббийи Хаби Алонсо кейинги клуби қачон эълон қилиниши ҳақидаги саволга жавоб берди.
"Менинг навбатдаги клубим? Биз кутишимиз керак. Эълон узоқ кутилмайди", - деди Алонсо.
9 май куни “Байер” матбуот хизмати жамоа бош мураббийи Хаби Алонсо жорий мавсум якунланганидан сўнг жамоани тарк этишини маълум қилди. Мутахассиснинг кейинги иш жойи "Реал Мадрид" бўлиб, у Карло Анчелотти ўрнини эгаллаши айтилмоқда.
Алонсо "Байер"ни 2022 йилдан буён бошқариб келмоқда. Унинг қўл остида клуб Германия чемпионига айланди ва ўтган мавсумда Германия кубогини қўлга киритди.
