Франциянинг "Монако" клуби бош мураббийи Ади Хюттер Германиянинг "Байер" клубида Хаби Алонсонинг ўрнини эгаллаши мумкин. Бу ҳақда L’Équipe нашри хабар бермоқда.
Манбага кўра, Леверкузен раҳбарияти Хюттерни жамоанинг ҳозирги даражасини сақлаб қолишга қодир, деб ҳисобламоқда. Австриялик мутахассис 2023 йилдан буён "Монако"ни бошқариб келмоқда. Унинг қўл остида жамоа бирорта ҳам чемпионликни қўлга кирита олмади, лекин биринчи мавсумда иккинчи ўринни эгаллади ва ҳозирда "Марсел"дан бир очко ортда қолган ҳолда учинчи ўринда бормоқда.
Олдин кўп марта хабар қилинганидек, клубга 3 та соврин олиб келган Хаби Алонсо "Реал"га жўнаб кетади.













