Sky Sports эксперти Жейми Каррагернинг фикрича, Арсенал 12 ой ичида бош мураббий Микель Артетани ишдан бўшатиши мумкин.

"Арсенал" Премьер-лигада ҳам, Чемпионлар лигасида ҳам муваффақиятга яқин келганига қарамай, ўтган ҳафта навбатдаги совринсиз мавсумни якунлади.

"Артета юқори талабларни қўяди, аммо сўнгги ҳафталарда ўтказган ўйиндан кейинги интервьюлари ва матбуот анжуманларида мен унинг ҳиссиётларга берилиб кетишини ва баъзида мураббий эмас, балки фанатга ўхшаб кўринишини пайқадим.

У бу мавсумда қанча ўйинчини майдондан четлатгани ҳақида жуда баланд овозда гапирди. У қўлларини кўтариб, олтитасини айтди. Менимча, у ўзича улар қизил карточкалар ва жароҳатлар борасида қурбон бўлган деб ўйлайди.

Жорий мавсумда жароҳатлар бўлди, лекин ўтган мавсумда жароҳатлар билан ҳам омад кулиб боқди. Уларнинг сўнгги икки мавсумда "Манчестер Сити" билан рақобатлаши ажойиб бўлди, лекин кўп нарса ҳар ҳафта бир хил саккиз ёки тўққиз нафар футболчининг ўйнашига боғлиқ эди ва у ҳеч қачон уларни алмаштиришга мажбур бўлмади.

Мен Микель Артетанинг ашаддий мухлисиман. У ҳозиргача "Арсенал"ни юқори даражага олиб чиқа олди. Улар "Манчестер Сити"га рақиб бўлиш учун сакрашни амалга оширишди ва улар бу мавсумда "Ливерпуль" билан рақобатлаша оладиган жамоа бўлишда давом этишди.

Аммо бу мавсум уларнинг мавсуми бўлиши керак эди. Шубҳа йўқки, Артета кейинги мавсумда нимадир ютиш учун катта босим остида бўлади - катта нарса."

Агар улар буни қилмаса, "Арсенал" раҳбарияти катта дилеммага тушиб қолади, чунки улар мураббийни ўзгартиришни хоҳламайдилар, лекин кўпчилик "беш-олти йил кубоксиз" дейишади ва улар қайси мураббий кейинги қадамни қўйиши мумкинлигини кўриб чиқишади" - деди Каррагер.