Аргентина терма жамоаси бош мураббийи Лионель Скалони Хосеп Гвардиола ва Жозе Моуриньо ҳақида ўз фикрлари билан ўртоқлашди.
"Альбиселесте" устози испан ва португал ўртасида танлов қила олмади, лекин иккаласини ҳам жуда ҳурмат қилишини тан олди.
"Гвардиола ёки Моуриньо? Ҳар иккиси ҳам. Мен улар билан солиштирганда ҳеч нарса эмасман, лекин мен улардан ўрнак олишга ҳаракат қиламан. Пепнинг "Барселона"си мукаммал футбол ўйнади ва баъзида унинг "Бавария"си ва "Манчестер Сити" учун ҳам худди шундай бўлган. Моуриньога келсак, менинг мураббийлар штабимда Вальтер Самуэль бор, у менга у ҳақида кўп қизиқарли нарсаларни айтиб беради. Мен ундан янги нарсаларни ўрганишни яхши кўраман", - деди Скалони.
