"Барселона" бош мураббийи Ханс-Дитер Флик клуб билан янги шартнома имзолашга рози бўлди.
Маълумки, томонлар меҳнат шартномасини 2027 йилгача узайтиришга келишиб олишган. Журналист Хелена Кондиснинг сўзларига кўра, келишувга апрель ойида эришилган. Келишувнинг имзоланиши расман мавсум якунида, "Барселона" Ла Лига чемпионлигини кафолатлаганда эълон қилиниши кутилмоқда.
Ханс-Дитер Фликнинг Каталония гранди билан амалдаги шартномаси 2026 йилнинг ўрталарига қадар амал қилади. "Кўк-анорранглилар" немис мураббийи қўл остидаги дебют мавсумида Суперкубок ва Испания кубогини қўлга киритди ва Ла Лигадаги ғалабага ҳам бир қадам қолди.













