"Барселона" ярим ҳимоячиси Фермин Лопес "Реал" дарвозасига урилган гол инобатга олинмаганидан сўнг, хафа бўлди.
22 ёшли футболчи якшанба кунги ўйиннинг 77-дақиқасида захирадан майдонга тушди ва қўшиб берилган дақиқаларда гол урди - ҳакам видеотакрорни кўриб чиқиб, тўп қўл билан ўйналган деб ҳисоблади ва уни бекор қилди. Таблодаги ҳисоб ўзгармади - 4:3 "кўк-анорранглилар" фойдасига. Barca Universal қайд этганидек, Фермин "эл-класико"да ғалабани нишонламаган ягона "Барса" футболчиси бўлди. Ярим ҳимоячи ўз голининг инобатга олинмаганидан жуда хафа бўлди. Жамоадошлари испаниялик ёш футболчига тасалли беришга уриниб кўришди.
"Барселона" кейинги турда ўзини чемпионликни кафолатлаши мумкин. "Реал" билан орадаги фарқ 7 очкога етди, Ла Лига якунланишига 3 та ўйин бор.
