Мадриднинг "Реал" клуби "Борнмут" марказий ҳимоячиси Дин Хёйсеннинг трансфери учун курашда ғалаба қозонмоқчи.
Бошқа кўплаб йирик клублар испанияликнинг Англиядаги ютуқларини кузатиб боришмоқда, аммо "Реал" умидли футболчи учун курашда ғалаба қозонишга бел боғлаган. Cadena SER хабарига кўра, "қироллик" клуби бошлиқлари яқинлашиб келаётган трансфер ойнасида 20 ёшли футболчини ўзига жалб эта олишларига ишончлари комил.
Transfermarkt портали Дин Хейсеннинг нархини 42 миллион еврога баҳолаган. Марказ ҳимоячисининг "гилослар" билан шартномасида товон пули 60 миллион еврони ташкил этади. Охирги миш-мишларга кўра, Испания терма жамоаси футболчисини сотиб олишга "Ливерпуль", "Бавария" ва "Челси" ҳам қизиқиш билдирмоқда.
