"Пари Сен-Жермен" "Лион" ҳужумкор ярим ҳимоячиси Райан Шерки учун курашда иштирок этмайди.
Парижликлар 21 ёшли футболчи учун Европанинг бошқа грандлари қаторида даъвогарлар қаторидан ўрин олганди, бироқ Парижда порлаётган юлдузни кутишмаяпти. Footmercato хабарига кўра, Шерки "ПСЖ"га ўтмайди - клуб истиқболли французни сотиб олиш режасидан воз кечган. Ҳозирги вақтда томонлар ўртасида ҳеч қандай музокаралар олиб борилмаяпти.
Райан Шеркига Англиянинг "Ливерпуль," "Манчестер Юнайтед" ва "Арсенал" клублари қизиқиш билдирмоқда. Transfermarkt портали футболчининг нархини 35 млн еврога баҳоламоқда.













