"Манчестер Юнайтед" бош мураббийи Рубен Аморим жамоа қайси жиҳатларини яхшилаши кераклигини айтди.
"Қизил иблислар" чемпионатда муваффақиятсиз натижалар кўрсатмоқда - 36 турдан сўнг турнир жадвалида 16-ўринда. Португалиялик мураббий руҳий ҳолатни муваффақиятсизликларнинг асосий сабабларидан бири деб атади.
"Гап рақобатга қандай бардош бераётганимиз, мағлубиятлардан қандай таъсирланаётганимиз ва дарвозани ҳимоя қилиш учун қандай жон-жаҳдимиз билан курашаётганимизда. Бу жиҳатларда ўзимизни такомиллаштиришимиз зарур. Баъзан бу ҳолат нафақат майдон ичида, балки ундан ташқарида ҳам намоён бўлади," - дея таъкидлади Аморим Sky Sports'га берган суҳбатида.
