"Ливерпуль" сардори Виржил ван Дейк жамоадоши Трент Александер-Арнольд таъқибларга дош бериши кераклигини айтди.
Александр-Арнольд кеча "Арсенал"га қарши ўйинда захирадан майдонга тушганида, "Энфилд" трибуналари уни ҳаяжон билан кутиб олишди. Бу Трент мавсум охирида "Ливерпул"ни тарк этишини эълон қилганидан бери биринчи ўйин бўлди.
"Мухлислар шундай муносабатда бўлишди. У бу билан шуғулланиши керак. Биз ҳам жамоа сифатида буни ҳал қилишимиз керак.
Тўғрисини айтсам, мен бундай нарсани кутмагандим, балки у шундай бўлишини кутгандир. Бу осон эмас, умуман осон эмас. Нима бўлганда ҳам, биз уни қўллаб-қувватлаш учун келдик.
У келаси йил биз билан бирга бўлмаслигидан ҳафсаламиз пир бўлди, чунки у ўзига хос фазилатларга эга ажойиб ўйинчи, буни сўнгги етти йил давомида кўрдик.
Ҳар кимнинг ўз фикри бор ва улар бу ерда ҳамма нарсага эришгандек ҳис қилишади, лекин улар бошқача нарсани синаб кўришни хоҳлашади.
Гап дунёнинг энг йирик клубларидан бири бўлган "Реал Мадрид" ҳақида кетмоқда.
Мен ўз ишларим билан шуғулландим. Мен ҳам келажагимни ҳал қилишим керак эди ва мен бу билан жуда банд эдим.
Менда бошқа вариантлар ҳам кўп эди, аммо "Ливерпуль" мен учун идеал жой", - деди ван Дейк.
