Саудия Арабистонининг "Ал-Ҳилол" клуби Бруну Фернандешга ультиматум қўйиб, "Манчестер Юнайтед" сардоридан бир ҳафта ичида жавоб қайтаришни талаб қилди.
ТalkSPORT хабарига кўра, "Ал-Ҳилол" сешанба куни 30 ёшли Фернандеш вакиллари билан яна бир учрашув ўтказади.
"Ал-Ҳилол" Фернандешга португалиялик ярим ҳимоячи Саудия клубига ўтишни хоҳлайдими ёки йўқми, буни ҳал қилиш учун бир ҳафта вақт беради.
"Ал-Ҳилол"нинг шошилиши Клублар ўртасидаги жаҳон чемпионати яқинлашаётган пайтга тўғри келади ва "Манчестер Юнайтед" ҳозирда Фернандешни сотишдан манфаатдор эмаслиги сабабли, саудияликлар "Астон Вилла"дан Юри Тилеманс вариантини кўриб чиқади.
Саудия Арабистони лигаси "Астон Вилла" билан яхши муносабатда бўлиб, аввалроқ Бирмингем клубидан Мусса Диабини "Ал-Иттиҳод"га ва Жон Дуранни "Ан-Наср"га олиб келганди.
