"Барселона" ҳужумкор ярим ҳимоячиси Фермин Лопес Испанияни Англияга алмаштириши мумкин, деб хабар бермоқда Todofichajes портали журналистлари.
Манбага маълум бўлишича, 22 ёшли футболчини "Манчестер Юнайтед" ва Лондоннинг "Челси" клублари ўз сафига қўшиб олмоқчи. "Аристократлар" раҳбарияти испаниялик футболчи учун 40 миллион евро таклиф қилишга тайёр.
Фермин ва "кўк-анорранглилар" ўртасидаги амалдаги шартнома 2029 йилнинг ёзигача мўлжалланган. Transфрмаркт унинг нархини 50 миллион еврога баҳоламоқда.
Лопес жорий мавсум Испания чемпионатида 25 та ўйинда майдонга тушиб, 4 та гол ва 4 та голли узатмани амалга оширди.
