Италиянинг "Комо" клуби бош мураббийи Сеск Фабрегаснинг келажаги ҳақида маълумот пайдо бўлди.
Нуфузли инсайдер Фабрицио Романонинг таъкидлашича, "Комо" раҳбарияти ва 38 ёшли Фабрегас аллақачон Италия чемпионатининг кейинги мавсуми учун режалар тайёрламоқда. Демак, испаниялик мутахассис клубдаги фаолиятини давом эттиради.
Айтиш керакки, "Комо" ўтган йили ҳам Б Серияда ўйнаганини инобатга олсак, ажойиб мавсум намойиш этмоқда. 36-тур якунларига кўра, Фабрегас шогирдлари 48 очко билан турнир жадвалида ўнинчи ўринни эгаллаб турибди.
Қолган икки турда "Комо" сафарда "Верона" билан куч синашади ва ўз майдонида "Интер"ни қабул қилади.
