Карло Анчелотти "Мальорка"га қарши ўйин олдидан "Реал"нинг Испания чемпионлиги учун кураши ҳақида гапирди.
"Ҳар доимгидек бизни қийин ўйин кутиб турибди. Бизга бир нечта муҳим ўйинчилар етишмаяпти. Шундай бўлса-да, рақобатбардош жамоа йиғиб, қолган 3 та ўйинда ғалаба қозонишга қодирмиз. Чемпионат ҳали тугамади, биз чемпионликни рақибларимизга бергимиз келмайди. Турнирни яхши якунлашни режалаштирмоқдамиз," - дея Анчелоттининг сўзларини келтиради Marca.
Мадридликларни 7 очкога ортда қолдираётган "Барселона" шу турнинг ўзидаёқ чемпион бўлиши мумкин.
