"Бавария" ёзда ярим ҳимоячи Леон Горецка билан хайрлашишга тайёр.
30 ёшли футболчи жорий мавсумдан мюнхенликларнинг асосий таркибига қайтди, аммо клуб босслари ҳамон хавбек билан ҳамкорлик қилиш мақсадга мувофиқлигига шубҳа қилмоқда. Журналистлар Тоби Альтшеффл ва Кристиан Фальк хабарига кўра, "Бавария" спорт бўлими бошлиғи Макс Эберль Горецкега 2026 йилда тугайдиган шартномаси узайтирилмаслигини ва имкон қадар яқин трансфер ойнасида сотиб юборилишини яна бир бор тушунтирган.
Леон Горецка жорий мавсумда 39 та ўйинда 5 та гол ва 2 та голли узатмага муаллифлик қилди. Transfermarkt портали футболчининг нархини 22 млн еврога баҳоламоқда.
