"Лидс" Бо Хенриксенни бош мураббийликка таклиф қилишни режалаштирмоқда. Бу ҳақда Даниянинг Bold портали хабар тарқатмоқда. Сўнгги ҳафталарда томонлар эҳтимолий ҳамкорлик бўйича бир неча бор бир-бири билан боғланган.
Хенриксен - 50 ёшли даниялик мутахассис. У "Майнц"ни бошқармоқда, у билан мавсум тугашига бир тур қолганида Бундеслигада 51 очко билан олтинчи ўринни эгаллаб турибди, бу еврокубок зонаси.
Эслатиб ўтамиз, "Лидс" Чемпионшипдаги мавсум якунларига кўра тўғридан-тўғри АПЛга йўл олди. Бироқ, "товуслар" кўтарилгач, бош мураббий Даниэль Фарке билан хайрлашди.
