"Тоттенхэм" футболчиси Мики Мур Дортмунднинг "Боруссия" клуби қизиқишлари доирасига тушиб қолди.
17 ёшли вингер ҳозирча "шпорлар"нинг асосий таркибига кира олмади, аммо майдонга тушганида ажойиб ўйин кўрсата олди. Журналист Флориан Плеттенбергнинг маълум қилишича, ёш инглизнинг муваффақиятларини "Боруссия" диққат билан кузатиб бормоқда. "Асаларилар" вакиллари аллақачон футболчининг атрофидагилар билан алоқага чиққан, аммо аниқ таклифга ҳали келишилмаган. Ўсиб келаётган юлдузнинг Премьер-лиганинг бошқа клубига ўтиши эҳтимоли кўпроқ.
Мики Мур "Тоттенхэм"нинг асосий жамоаси сафида жами 20 та ўйинда майдонга тушиб, битта гол ва иккита голли узатмани амалга оширган. Transfermarkt портали "шпорлар" тарбияланувчисининг нархини 15 млн еврога баҳоламоқда.
