"Тоттенхэм" ва Жанубий Корея терма жамоаси ҳужумчиси Сон Хён Мин "Манчестер Юнайтед" билан Европа Лигаси финали олдидан совринлар йўқлигига қарамай, нега Лондон клубини тарк этмаганини айтди.
"Бу ҳақда кўп йиллардан бери гапиришади. "Тоттенхэм"да қолишимнинг асосий сабаби - ҳали ҳеч ким қила олмаган ишни қилиш истагим. Шунинг учун ҳам бу ердаман. Топишмоқни якунлаш учун барча тафсилотлар керак.
Менимча, бунинг учун деярли барча қисмларни йиғдим, фақат биттаси етишмаяпти. Охирги элемент менга етишмаётгандек туюлади, 10 йилдан бери уни топишга ҳаракат қиламан. Умид қиламанки, бу сафар мен у қисмини қўяман," - дея Соннинг сўзларини келтиради football.london.
Футболчи "шпорлар" сафида 2015 йилдан буён тўп тепиб келмоқда, у жамоа сафида 452 та ўйин ўтказиб, 173 та гол урган ва 101 та голли узатмани амалга оширган.
