"Tottenxem" va Janubiy Koreya terma jamoasi hujumchisi Son Xyon Min "Manchester Yunayted" bilan Yevropa Ligasi finali oldidan sovrinlar yo‘qligiga qaramay, nega London klubini tark etmaganini aytdi.

"Bu haqda ko‘p yillardan beri gapirishadi. "Tottenxem"da qolishimning asosiy sababi - hali hech kim qila olmagan ishni qilish istagim. Shuning uchun ham bu yerdaman. Topishmoqni yakunlash uchun barcha tafsilotlar kerak.

Menimcha, buning uchun deyarli barcha qismlarni yig‘dim, faqat bittasi yetishmayapti. Oxirgi element menga yetishmayotgandek tuyuladi, 10 yildan beri uni topishga harakat qilaman. Umid qilamanki, bu safar men u qismini qo‘yaman," - deya Sonning so‘zlarini keltiradi football.london.

Futbolchi "shporlar" safida 2015 yildan buyon to‘p tepib kelmoqda, u jamoa safida 452 ta o‘yin o‘tkazib, 173 ta gol urgan va 101 ta golli uzatmani amalga oshirgan.