Каталониянинг "Барселона" клуби ҳужумчиси Пау Виктор фаолиятини бошқа клубларда давом эттириш имкониятига эга, дея хабар бермоқда Diario Sport.
Манбага кўра, 23 ёшли форвард хизматига "Байер" қизиқиш билдирмоқда. Шунингдек, Викторнинг Испания чемпионатида бир нечта вариантлари бор. Футболчини Севильянинг "Бетис," "Мальорка" ва "Сельта" клублари ўз сафига қўшиб олмоқчи.
Ўз навбатида "Барселона" ҳам Викторни ижарага бериш вариантини кўриб чиқмоқда. Шу билан бирга, агар қулай таклиф бўлса, каталонияликлар тўлиқ сотувни расмийлаштиришлари мумкин.
Пау жорий мавсум "кўк-анорранглилар" сафида 27 та баҳсда майдонга тушиб, 2 та гол урди ва 1 та голли узатмани амалга оширди.













