Лондоннинг "Челси" клуби ярим ҳимоячиси Коул Палмер Англия Премьер-лигаси (АПЛ) жорий мавсумида ўйинларда жами 50 дан ортиқ голли вазият яратди, унга нисбатан 50 дан ортиқ қўполлик ишлатилди ва 50 дан ортиқ муваффақиятли дриблинглар амалга оширди. Бу ҳақда Squawka хабар бермоқда.
Манбага кўра, Палмер жорий мавсумда АПЛда бундай кўрсаткичга эришган ягона футболчи ҳисобланади.
Палмернинг ҳисобида Англия Премьер-лигасининг жорий мавсумида 15 гол ва саккизта ассист бор. Унинг лондонликлар билан шартномаси 2033 йилнинг 30 июнига қадар имзоланган.
"Челси" Англия чемпионатининг 36-тур якунларига кўра бешинчи ўринда бормоқда. Жамоа ҳисобида 63 очко мавжуд.
Лондонликлар Конференциялар лигаси финалида "Бетис" билан ўйнайди. Ўйин 28 май куни бўлиб ўтади.
