Аргентина терма жамоаси бош мураббийи Лионель Скалони ҳужумчилар Лионель Месси ва Диего Марадона ўртасида танлов қилди.

"Месси ёки Марадона? Мен Мессини танлайман, чунки у билан ишлайман ва унинг қандай футболчи эканлигини биламан. Менинг фикримча, уларни таққослашнинг ҳожати йўқ, аксинча уларнинг ўйинидан завқланиш керак. Ишончим комилки, уларнинг иккаласи ҳам 70, 80, 90 йилларда ва ҳозирги пайтда ҳам ўзларининг ёрқин истеъдодларини намоён эта олишларди, чунки моҳир футболчи ҳар доим моҳир футболчи бўлиб қолаверади," - дея Скалонининг сўзларини журналист Альфредо Педулла келтиради.

Месси Аргентина терма жамоаси сафида 191 та ўйинда иштирок этиб, 112 та гол урган. Марадона эса 91 та ўйин ўтказиб, 34 та гол киритган.