"Борнмут" марказий ҳимоячиси Дин Хейсен фаолиятини "Реал"да давом эттиради.

Ла Лига гранди 60 млн евролик товон пулини фаоллаштиришга рози бўлди, шунингдек, футболчининг ўзи билан келишувга эришди. Журналист Эду Агирренинг ёзишича, "қаймоқранглилар" яқин 24-48 соат ичида трансферни расмийлаштиради. 20 ёшли испаниялик футболчи июнь ойида, клублар ўртасидаги жаҳон чемпионати старти олдидан жамоа сафини тўлдиради.

Дин Хёйсенни сотиб олишга Англия Премьер-лигаси клублари ҳам қизиқиш билдирмоқда. Марказ ҳимоячиси жорий мавсумда "Борнмут" сафида 34 та ўйинда майдонга тушиб, 3 та гол урди ва 1 та голли узатмани амалга оширди.