"Борнмут" марказий ҳимоячиси Дин Хейсеннинг "Реал"га ўтиши "Ювентус"га фойда келтиради.

Чоршанба оқшомида турли манбаларнинг маълум қилишича, испаниялик гранд "Борнмут" билан 20 ёшли футболчининг трансферини 58 млн еврога келишиб олган. Football Italia хабарига кўра, сумманинг 10 фоизи (5,8 млн евро) Хёйсеннинг собиқ клуби "Ювентус"га ўтади.

Дин 2021 йилдан 2024 йилгача "кекса синьора" шарафини ҳимоя қилган. Ўтган ёзда туринликлар испаниялик юлдузни "Борнмут"га 15 млн евродан сал кўпроққа сотган эди. "Гилослар" сафида марказий ҳимоячи 34 та ўйинда майдонга тушиб, 3 та гол ва 1 та голли узатмага муаллифлик қилган.