“Милан” ҳимоячиси Маттео Габбиа Италия кубоги финалида “Болонья”дан учралган мағлубиятдан сўнг (1:0) 2024/25 йилги мавсум унинг жамоаси учун омадсиз бўлганини таъкидлади.
"Ўйин қандай ўтганидан ҳафсаламиз пир бўлди ва биз учун тўғри сўз топиш қийин. Кўнгилсизлик, афсусланиш бор, чунки бу биз учун салбий мавсум. Бу ёмон оқшом бўлди, агар биз яхшироқ ўйнаганимизда ажойиб бўлиши мумкин эди.
Айни дамда кўп куч қолмади, биз майдонда бор нарсамизни бердик ва бу етарли эмас эди. Энди мавсумни муносиб ва ғурур билан якунлаш учун иккита ўйинимиз бор. Ҳеч ким бу мавсумни ижобий бўлди деб айта олмайди", деди Габбиа.
