"Аякс" Нидерландия чемпионатида пешқадамликни бой берди.
Франческо Фариоли жамоаси 33-турда "Гронинген" билан дуранг ўйнади (2:2, 99-дақиқада Теймен Блокзейл ҳисобни тенглаштирди) ва "Гераклес"ни (4:1) мағлуб этган ПСВни олдинга ўтказиб юборди.
Амстердамликлар 23-турдан бери пешқадамлик қилаётганди, март ойи охири ва апрель ойининг биринчи ярмида уларнинг фарқи 9 очкога етганди. Бироқ, сўнгги тўртта ўйинда "Аякс" бирор марта ғалаба қозона олмади ва мавсум якунига 1 тур қолганда ПСВни биринчи ўринга қўйиб юборди. Улар ўртасида ҳозирча бир очко фарқ бор.
"Аякс" 18 май куни ўз майдонида "Твенте"га қарши баҳс олиб борса, эйндховенликлар "Спарта" меҳмони бўлади.
