Россия терма жамоаси ва Мадриднинг "Реал" клуби собиқ устози Фабио Капелло Италия кубоги финалида "Болонья"нинг "Милан" устидан қозонган ғалабаси ҳақида фикр билдирди. Унда "қизил-кўклар" минимал 1:0 ҳисобида ғалаба қозонди.
"Болонья" ҳақли равишда совринни қўлга киритди. Аммо шуни айтмоқчиманки, бу финал Италия футболи учун яхши реклама бўлмади. Ўйин менга ёқмади," - дея мутахассиснинг сўзларини келтиради Gazzetta dello Sport.
Италия чемпионати турнир жадвалида "Болонья" 62 очко билан еттинчи ўринда бормоқда. "Милан"га келсак, "россонерилар" 8-поғонада жойлашган. Миланликлар ҳисобида 60 очко бор.
