"Барселона" президенти Жоан Лапорта "Эспаньол"га қарши чемпионлик ўйинидан кейин Ламин Ямалнинг ўйини ҳақида фикр билдирди.
"Кўк-анорранглилар" 2:0 ҳисобида ғалаба қозониб, муддатидан аввал Ла Лига чемпионлигини қўлга киритди. Биринчи гол муаллифи 17 ёшли Ямал бўлиб, у дербининг 53-дақиқасида узоқ масофадан чиройли зарба йўллаб, гол урди. Якунда вундеркинд Фермин Лопесга ассистентлик қилди.
"Ямал - даҳо. Ҳақиқий футбол даҳоси, бундай ўйинчилар жуда кам учрайди. У аллақачон даҳо футболчилар қаторига киради," - деди "Барселона" президенти ўйиндан кейинги интервьюсида юлдуз вингерни мақтаб.
