"Интер Майами" асосий юлдузлар узоқ вақт давомида сафида қолишга умид қилмоқда.
Чап қанот ҳимоячиси Жорди Альба аллақачон "лочинлар" билан янги шартнома имзолаган - бу ҳақда пайшанба куни маълум бўлди. Журналист Хосе Армандонинг маълумотига кўра, испаниялик футболчи билан битим имзоланиши Лионель Месси билан келишув тез орада узайтирилиши эҳтимолини оширади.
Албанинг "Интер Майами" билан тузган янги шартномаси 2027 йил охиригача мўлжалланган, Мессининг шартномаси эса жорий йил охирида ўз ниҳоясига етади. АҚШга кўчиб ўтишдан олдин иккала футболчи ҳам узоқ йиллар давомида "Барселона" шарафини ҳимоя қилган.













