"Бавария" Лерой Саненинг янги шартнома бўйича таклифини яхшиламоқчи эмас.
Томонлар аллақачон дастлабки келишувга эришган, аммо кейин вингер агентни алмаштирди ва янги шартларни сўради. Журналистлар Тоби Альтшеффл ва Кристиан Фалькнинг ёзишича, "Бавария" босслари Саненинг талабларини принципиал равишда қондирмайди. Клубда келажакда бошқа футболчилар ҳам шундай йўл тутишларини исташмайди.
Мюнхен гранди Лерой Санега йилига 10 млн евро ва 5 ёки 5,5 млн бонус тўлашга тайёр. Бу ҳеч қандай шароитда яхшиланмайдиган якуний таклиф. Агар рад жавоби олинса, 29 ёшли футболчи мавсум якунлангач эркин агентга айланади.
