Римнинг "Рома" клуби афсонаси Франческо Тотти фаолияти давомида ҳеч қачон Чемпионлар Лигаси финалида ўйнамаган - аммо у бўлажак финал ўйинида Миланнинг "Интер" клубига мухлислик қилишини аниқ билади. Эслатиб ўтамиз, Симоне Индзаги шогирдлари "ПСЖ"га қарши ҳал қилувчи баҳсда майдонга тушади.
"Албатта, Чемпионлар Лигаси финалида Италия клуби - "Интер"га мухлислик қиламиз. Умид қиламанки, улар уддалашади ва чемпионлар кубогини Италияга қайтаришади," - дея Тоттининг сўзларини келтиради fcinter1908.it.
Эслатиб ўтамиз, футбол бўйича Европанинг энг нуфузли клублар ўртасидаги мусобақасининг финал учрашуви май ойининг сўнгги кунида Германиянинг Мюнхен шаҳрида бўлиб ўтади.
