Лондоннинг "Арсенал" клуби Лиссабоннинг "Спортинг" клуби ҳужумчиси Виктор Дьёкереш учун курашда пешқадамлик қилмоқда.
"Канонирлар" лиссабонликлар билан шведнинг трансфер шартлари бўйича деярли келишиб олди, деб хабар беради Fichajes. Агар манбага ишонилса, келишув баҳоси тахминан 60 миллион фунт стерлингни (70 миллион евродан ортиқ) ташкил этади.
Миш-мишларга кўра, Виктор Дьекерешга "Манчестер Юнайтед," "Челси," Мадриднинг "Атлетико" ва бошқа кўплаб клублар ҳам қизиқиш билдирган.
26 ёшли форвард жорий мавсум "Спортинг" сафида 50 та ўйинда 52 та гол урди ва 13 та голли узатмани амалга оширди. "Шерлар" юлдузи "Олтин бутса" пойгасида Муҳаммад Салоҳ ва Килиан Мбаппени ортда қолдириб, пешқадамлик қилмоқда.
