Жереми Фримпонг "Ливерпуль" сафига ўтишга яқинлашмоқда. Ижтимоий тармоқларда журналист Бен Жейкобснинг ёзишича, мерсисайдликлар Фримпонгни "Байер"дан 35 миллион евро эвазига сотиб олиш имкониятини ишга туширмоқда.

Журналистнинг таъкидлашича, "Ливерпуль" Фримпонгнинг бундай нархини ажойиб деб ҳисобламоқда. Инглиз клубида нидерландиялик футболчига ўнг қанот ҳимоячиси сифатида қарашади, аммо унинг ҳужум қилиш қобилияти ҳам плюс ҳисобланади.

Шунингдек, Жейкобснинг таъкидлашича, 24 ёшли Фримпонг билан шахсий шартнома шартлари "Ливерпуль" томонидан деярли келишиб бўлинган. Жереми Трентнинг қанотдаги ўрнини эгаллайди.