"Барселона" бош мураббийи Ханс-Дитер Фликнинг фикрича, жамоа кейинги мавсумни янада муваффақиятли ўтказиши мумкин.
Каталония гранди 36-турда "Эспаньол"ни мағлуб этиб (2:0) муддатидан аввал Испания чемпионига айланди. "Кўк-анорранглилар" Испания Кубоги ва мамлакат Суперкубогини ҳам қўлга киритди, Чемпионлар Лигасида эса ярим финалга чиқишга муваффақ бўлди.
"Биз ажойиб мавсумни ўтказдик ва жуда мамнунмиз, аммо кейинги мавсум янада кўпроқ нарсага эришишимиз мумкин," - дея Фликнинг изоҳларини келтиради журналист Фабрицио Романо.
Эслатиб ўтамиз, германиялик мураббий "Барселона" бошқарувида дебют мавсумини ўтказмоқда. У ўтган ёзда Хави Эрнандес ўрнини эгаллаганди.
