Россия терма жамоаси бош мураббийи Фабио Капелло тез орада Франциянинг «Пари-Сен-Жермен» клуби бошқарувини ўз қўлига олиши мумкин. Бу ҳақда «Sky Italy» нашри хабар тарқатди.
Манбанинг маълум қилишича мураббийнинг агенти бўлмиш ўғли Пьер Филиппо Капелло парижликлар спорт директори Леонардо билан учрашган ва бир йиллик шартнома борасида келишиб олган.
Агар шундай бўладиган бўлса, Капелло РФИ билан муддатидан олдин шартномани бузгани учун «ПСЖ» РФИга 3 миллион евро ўтказиб бериши лозим бўлади.
Парижликларнинг Капелло билан бир йиллик шартнома имзолашига сабаб сифатида келгуси йили жамоага Арсен Венгернинг таклифи этилиши кўрсатилмоқда.