"Арсенал" яна "Бавария" вингери Лерой Санени қўлга киритиш учун курашга қайтди, дея хабар беради Флориан Плеттенберг.
Манбага кўра, 29 ёшли германиялик футболчининг "Бавария" билан шартномасини узайтириш бўйича ўзгаришларни бошқа инглиз клублари ҳам кузатиб бормоқда. Улар футболчи қандай қарор қабул қилишини кутишмоқда.
2025 йилнинг март ойида "Арсенал" ёзда Санени эркин агент сифатида олмоқчи эканлиги ҳақида маълумот пайдо бўлди.
Футболчининг Мюнхен клуби билан шартномаси 2025 йилнинг июн ойи охирида якунига етади.
Жорий мавсумда Сане 44 учрашувда 13 та гол урди ва 5 та голли узатмани амалга оширди.
