"Лион" аёллар ўртасидаги Франция чемпионати финалида "ПСЖ"ни мағлуб этди - 3:0. Ўйин "Парк OL" стадионида бўлиб ўтди.

Биринчи бўлим сўнгида гаитилик ҳужумчи Мельши Дюморне ҳисобни очди. 80-дақиқада Каддидиату Диани майдон эгаларининг иккинчи голига муаллифлик қилган бўлса, жамоа сардори Венди Ренар қўшиб берилган дақиқаларда пенальтини аниқ амалга ошириб, ҳисобни йирик кўринишга келтирди.

"Лион" кетма-кет учинчи ва тарихда ўн саккизинчи марта аёллар ўртасидаги Франция чемпионатида ғолиб чиқди.

Аёллар
Франция чемпионати
Финал

Лион - ПСЖ - 3:0 (1:0)

Голлар: Дюморне, 45+3 - 1:0. Диани, 80 - 2:0. Ренар (пен), 90+4 - 3:0.