Сўнгги кунларда матбуот "Ливерпуль"ни Жереми Фримпонг билан фаол боғламоқда. "Байер" футболчиси Мерсисайд клубига ўтиши ва ўнг қанот ҳимоясида Трент Александр-Арнольднинг ўрнини эгаллаши мумкин. Жума кунги матбуот анжуманида "қизиллар" бош мураббийи Арне Слотга Фримпонг ҳақида савол берилди.
"Бу зерикарли жавоб бўлади. Биз таклиф қилмоқчи бўлган футболчилар ҳақида улар шартнома имзоламагунча оммага айтмаймиз," - деди Слот журналистларга.
"Ливерпуль" Англия чемпионлигини расмийлаштириб бўлди. Арне Слот жамоаси навбатдаги ўйинни 19 май, душанба куни "Брайтон"га қарши ўтказади.
