"Барселона" дарвозабони Войцех Шесни "Эспаньол" посбони Жоан Гарсиянинг ўйини ҳақида фикр билдирди.
Аввалроқ, "кўк-анорранглилар" 24 ёшли испаниялик футболчини ўз сафига қўшиб олмоқчи экани ҳақида хабарлар тарқалган эди.
"Мен Жоан Гарсияни мақтамоқчиман. У Ла Лиганинг жорий мавсумдаги энг яхши дарвозабони деб ҳисоблайман. Унинг келажаги жуда порлоқ," - дея Шеснининг сўзларини келтиради Barca Universal.
Испания чемпионатининг жорий мавсумида Гарсия 36 та ўйинда майдонга тушиб, 49 та гол ўтказиб юборди ва 7 марта ўз дарвозаси дахлсизлигини сақлаб қолди.
